Errege Dekretuak % 8 handitzen du lanbide arteko gutxieneko soldata, eta konpentsazioa eta xurgapena arautzen ditu langileen ordainsariak urteko lanbide arteko gutxieneko soldata gainditzen duen kasuetan.

BOEn argitaratu da 99/2023 Errege Dekretua, otsailaren 14koa, 2023rako lanbide arteko gutxieneko soldata finkatzen duena, 2022rako ezarritakoaren aldean % 8 handitu dena, eta honako zenbateko hauek ezartzen dituena:

GUTXIENEKO SOLDATA	ZENBATEKO GORDINA
EGUNEKOA	36€
HILEKOA (14 ORDAINSARI )	1.080 €
URTEA	15.120 €

Zenbateko horiek diruzko ordainsariak baino ez dituzte hartzen — gauzazko soldatak ezin du inolaz ere horiek murriztea ekarri —, eta jarduera bakoitzaren legezko lanaldiari dagozkiola ulertzen da; beraz, lanaldi laburragoa eginez gero, hainbanatutako LGS aplikatuko da.

Gainera, langileen ordainsariak, oro har eta urteko zenbaketan, 15.120 eurotik gorakoak diren kasuetan, konpentsazioak eta xurgapenak nola jarduten duten arautzen du arauak, halako moldez non langileek kontzeptu guztiengatik jasotzen zituzten diru-sarrerekin konpentsatu daitezkeen ordainsari horiek, urteko zenbaketan eta lanaldi osoan, legezko edo hitzarmenezko arauen, arbitraje-laudoen eta araua aldarrikatzeko egunean indarrean zeuden banakako lan-kontratuen arabera.
Errege-dekretua 2023ko otsailaren 16an jarriko da indarrean, baina LGSren zenbateko berriek 2023ko urtarrilaren 1etik aurrera izango dituzte ondorioak

Urtero bezala, 2022ko KPIa argitaratu da, eta ehunekoak honela geratu dira:  

 

 

• Euskadi %5,4
• Gipuzkoa %5,4
• Bizkaia %5,5
• Estatu mailan %5,7

LOKAL BAT BEHAR DUZU NEGOZIO BAT ANTOLATZEKO?

ALOKATZEKO EDO EROSTEKO ETXEBIZITZA BAT?

EDO AGIAN GARAJE BAT?

Merkataritza-lokalen, garajeen, pisuen alokairuko eta salmentaren zorroa dugu.


ZURE GARAJEA, PISUA EDO LOKALA SALTZEA EDO ALOKATZEA PENTSATZEN ARI ZARA?

Gure higiezinen eskaintza ezagutu nahi baduzu, jar zaitez gurekin harremanetan.

         ZURE BEHARREN ARABERA, HIGIEZINEN AHOLKULARITZA JASOKO DUZU.

Hainbat aldiz aurreratu dizuegun bezala, 2023ko urtarrilaren 1etik aurrera autonomo, autonomo laguntzaile eta sozietate-bazkideentzako kotizazio-modu berria sartuko da indarrean.

 

Orain arte kotizatu nahi zen kotizazio-oinarria hauta zitekeen, baina datorren urtetik aurrera hori ez da posible izango.

 

Autonomo bakoitzak bere diru-sarreren arabera dagokion tartean adierazitako zenbatekoa kotizatu beharko du. Tarte bakoitzean kuota minimo eta maximo bat dago, eta horren bidez bi kuoten artean edo tarteko zenbateko bat aukeratu ahal izango da.

 

Ordaindu beharreko kuota kotizatzen ari dena baino txikiagoa bada, Gizarte Segurantzak kuota erregularizatuko du 2024an izapidetzen den errenta-aitorpenean, eta 2025eko apirilaren 30era arteko aldea eskatuko da.

 

Kuota kotizazioan dagokiona baino handiagoa bada eta kotizazio hori 2022tik mantentzen baduzu, Gizarte Segurantzak aukera emango dizu kuotari eusteko edo aldea itzultzeko.

 

Aldiz, kotizazio-oinarria aldatu baduzu eta 2023ko urtarrilean ordaintzen hasten bazara, Gizarte Segurantzak ez dizu mantentzeko aukerarik emango, urtez urte erregularizatuko dizu.

 

2023tik aurrera 6 kotizazio-oinarri alda daitezke urtean zehar, eta adin-muga desagertu egiten da.

 

Jarduera bat baino gehiago duten autonomoek 2023ko urriaren 31 baino lehen jakinarazi beharko diote Gizarte Segurantzaren Diruzaintza Nagusiari.

Elektrizitatearekin edo interneteko gertakari bat duten zergadunek, Ogasunari jakinarazi beharko diote gertakari horren berri, helbide honetara mezu elektroniko bat bidaliz:

 

              ?">?

 

Adierazi behar diren datuak hauek dira:

 

    Izen abizenak eta/edo negozioaren izena

   Cif-a / Nif-a edo NIE

   Gertaera motibatzen duen arrazoia

   Mezu elektronikoaren gaian, intzidentzi bat dela adierazi behar da 17.artikuluan jasotakoa.

 

 

Intzidentziak 24 ordu baino gehiago irauten badu, gutun bat bidali beharko da Zergabidearen bitartez.

 

Gertakaria amaituta dagoenean, sortutako fitxeroak ordenean bidali beharko dira.

 

Ekainaren 27an BOEn argitaratu zen autonomoen kotizazio-sistema berria onartzen duen errege lege-dekretua. Sistema berri hori 2023ko urtarrilaren 1ean sartuko da indarrean, eta ezartzen du norberaren konturako langileek errendimendu garbien arabera.

 

Hala ere, 2022/12/31n beren errendimenduengatik legokiekeena baino kotizazio-oinarri handiagoa kotizatzen ari diren langileek, kotizazio-oinarri horri eutsi ahal izango diote, nahiz eta errendimenduetan oinarrituta kotizazio-oinarri txikiagoa aplikatzea zehaztuko litzatekeen.

 

Beraz, gutxieneko oinarriagatik kotizatzen duzuenok (gutxi gorabehera 294 euro hileko), eta zuen kotizazio-oinarria 2023. ekitaldirako igo nahi baduzue, 2022ko irailaren 30a baino lehen egin behar duzue, eta egun batzuk lehenago abisatu, aldaketa-eskaera garaiz izapidetu ahal izateko.

 

48 urte baino gehiago izan eta 48 urtetik gorakoen gehieneko kotizazio-oinarriaren azpitik kotizatzen duzuenok (hau da, gutxi gorabehera 647 euro baino gutxiago ordaintzen ari zaretenok), eta 647 euroraino igo nahi duzuenok 2022ko irailaren 30a baino lehen egin behar duzue, eta egun batzuk lehenago abisatu, aldaketa-eskaera garaiz izapidetu ahal izateko.

TicketBAI sistemaren nahitaezko ezarpena 2022ko uztailaren 1etik aurrera hasiko da, eta ekonomia-jardueren gaineko zergaren epigrafeen arabera sektore berrietara zabalduko da, hiru hilean behin gutxi gorabehera. TicketBAI betebeharra honako epígrafe hauetan jasotako jarduerak egiten dituzten zergadunek bete beharko dute, honako ezarpen-egutegi honen arabera:

 

 

 

Bilatzaile honetan epigrafeen arabera TicketBAI-eko derrigorrezko ezarpena bilatu dezakezue, zuen jarduerarako indarrean jartzeko data zehatza aurkitzeko.

 

https://www.gipuzkoa.eus/eu/web/ogasuna/ticketbai/egutegia

 

Errentaren kanpaina apirilaren 6an hasi zen eta ekainaren 30ean amaituko da, sartu beharreko emaitza duten eta ordainketa helbideratu nahi duten zergadunentzat izan ezik, ekainaren 27ra arte izango baitute.

     BERRIAK

•  Etxebizitzaren eraginkortasun energetikoa hobetzeko obrengatik kenkariak egiteko aukera dago, urriaren 6tik aurrera egindako obretan.
•   Kenkarien ildotik, banakako pentsio pribatuen planen desgrabazioak 2.000 eurora murriztu dira gehieneko ekarpen gisa.
•  Ondarearen gaineko zerga %1ean handitu da 10 milioi eurotik gorako ondareentzar, % 3,5eko tasaraino. Era berean, 2021eko uztailetik derrigorrezkoa da kriptomoneten eta horiekin egiten diren eragiketen berri ematea.

 

Xamar aholkularitzan legedian eta zerga-ordainketan gertatzen diren berrikuntzen berri dugu.

 

Aholkularitza integrala eskaintzen dugu, beharrezko laguntza emanez eta errenta-aitorpenak eraginkortasunez kudeatuz.

 

Informazio gehiago behar baduzu, jar zaitez gurekin harremanetan.

Lan-erreformarako, enpleguaren egonkortasuna bermatzeko eta lan-merkatua eraldatzeko premiazko neurriei buruzko 32/2021 Errege Lege Dekretua argitaratu da.

Lege Errege Dekretu hau 2021eko abenduaren 31n jarriko da indarrean, dagozkion ataletan adierazten dizkizuegun salbuespenekin.

Kontratuak sinplifikatzea eta behin-behinekotasuna bultzatzea da erreformaren helburua.

 

1. IRAUPEN MUGATUKO KONTRATUA

• Obra edo zerbitzu jakin baterako kontratua desagertzen da.
• Iraupen jakineko bi kontratazio-modalitate mugatzen ditu: ekoizpenaren gorabeherengatik eta ordezkapenengatik.
• Langile batek 24 hilabeteko epean bi kontratu edo gehiago baditu eta 18 hilabetez lan egin badu, kontratu mugagabea dela ulertuko da.
• Lanpostu batek behin-behineko kontratuak baditu 18 hilabetez 24 hilabeteko epean, lanpostu hori mugagabea bihurtuko da.
• 2021eko abenduaren 31 baino lehen egindako kontratuak, idazketa horretan ezarritakoaren arabera arautuko dira gehieneko iraupenera arte.

Eusko Jaurlaritzako Merkataritza Sailak jakinarazten du, Kontsumobidek, Kontsumoko Euskal Institutuak, urtero hainbat ikuskapen-kanpaina jartzen ditu martxan, saltokiek, enpresek edo ostalariek kontsumitzaileen eskubideak zenbateraino betetzen dituzten egiaztatzeko. Ikuskapen kanpaina horren barruan bezeroen erreklamazio- orriak eskura daudela eta erreklamazio-orri horiek daudela iragartzen duen nahitaezko kartelak daudela ziurtatzen dute.

 

Hori dela eta, gogorarazi nahi dizuegu oso garrantzitsua dela araudia betetzea. Kanpaina honen helburua ez da zigortzea, helburua guztion artean merkataritza harreman seguruen alde lan egitea da.

 

Era berean, Kontsumobideren Webgunerako esteka bat ematen da, enpresen eta kontsumitzaileen arteko harremanak arautzen dituen araudi jasotzen duena.

 

http://www.kontsumobide.euskadi.eus/enpresen-betebeharrak/y10-kbempres/eu/